(Santiago de Chile, 1979) No 2006 estudia guión na Universidad Católica de Chile con varios profesionais refutados do ámbito e consigue varios premios en festivais e axudas de desenvolvemento de guión. No 2010 trasládase a vivir a Madrid onde estuda dirección e guión no Instituto del Cine de Madrid. Alí realiza varias curtametraxes: Separación (2010), Pide un deseo (2010), El ascensor (2011). No 2011 múdase a Vigo onde escribe, roda e produce Faro sin Isla. No 2013 escribe, dirixe e produce El triste olor de la carne, que se estrea na sección Forum of independents de Karlovy Vary no 2013. Nese ano comenza a rodaxe da súa terceira longametraxe, Ave y nada, unha adaptación libre do mito de Adán e Eva, rodada ao longo de catro estacións no bosque galego, e que foi estreada no Festival Internacional de Cine de Gijón no 2015. En 2016 dirixiu La declaración de los objetos, onde os obxectos domésticos son testemuñas, a través dos seus reflexos deformantes, da desintegración dunha parella. A súa quinta longametraxe, As mortes, rodada en galego, é unha sórdida crónica negra que mestura suspense e cinema negro.