Documentos

Listaxe de iniciativas, medios, institucións e empresas que tiveron ou teñen relación co NCG. Alén das presenzas, resultan altamente significantes as ausencias.

A Cuarta Parede

Revista de cinema en internet, fundada por Víctor Paz e Eloy Domínguez en 2012. Espazo no que se poden atopar moitos artigos e comentarios sobre o NCG, aínda que destaca, en sobre maneira, a sección titulada “Procesos”: vídeo-entrevistas @s cineastas.

Acto de Primavera

Blog dedicado ao cinema levado por Martin Pawley, J. M. Sande e Xurxo González, e que ten como unha das súas principais funcións dar visibilidade a un novo tipo de cinema que non contaba con espazo en medios de comunicación convencionais. Acto de Primavera probablemente sexa a fonte de información máis completa sobre o NCG.

AGADIC

A Axencia Galega das Industrias Culturais fundouse en 2009 trala fusión do IGAEM e a AAG. Contou con varios directores que marcaron a sensibilidade das políticas audiovisuais. Juan Carlos Fasero estivo no período 2009-2012, e Jacobo Sutil desde esa data até a actualidade. Mentres que o primeiro aínda soubo contrarrestar os recortes, o segundo foi un dos maiores culpábeis da derruba de todo o construído até esa altura, como o feito de eliminar as axudas de talento en 2012 para despois recuperalas modificándoas excesivamente na súa esencia.

Axencia Audiovisual Galega

Organismo institucional clave no desenvolvemento do NCG. Tivo vida desde 2006 até 2009, data na que acabou absorbida pola AGADIC. Foi dirixida por Manolo González, e grazas á súa actividade, desenvolveuse unha innovadora política cultural, sobre todo materializada coa definición das axudas ao talento. Malia que o NCG foi nomeado no 2010, o traballo da AAG foi fundamental na preparación do terreo para que apareceran novas maneiras de entender o cinema.

CGAC

No Centro Galego da Arte Contemporánea, Acto de Primavera organizou un ciclo sobre o Novo Cinema Galego que, precisamente, levaba esa mesma denominación. Cada xornada estaba dedicada a un cineasta e eles explicaban e ensinaban o seu traballo.

CGAI

O Centro Galego das Artes da Imaxe fundouse na Coruña no 1991. Dentro dos seus cometidos está a promoción da produción galega. Nos últimos anos o NCG estivo moi presente grazas ao seu programador J. M. Sande.

Chanfaina Lab

Iniciativa ideada por Manolo González e Carme Nieto no Concello de San Sadurniño en 2014, ando desde o que desenvolve edicións anuais. Consiste nun convite dunha fin de semana, normalmente en setembro, a unha serie de cineastas para visitar o Concello e, de paso, gravar unha pequena obra audiovisual. Moit@s d@s participantes son cineastas do NCG.

Cineclube de Compostela

Institución cinematográfica compostelá de promoción e difusión cinematográfica, fundada no 2001. Unha actividade que se materializa nunha cuidada oferta de programación. Frecuentemente a súa atención recae nas obras de cineastas que conforman o NCG.

Cineuropa

Festival de cinema de Santiago de Compostela, dirixido por José Luis Losa. É o festival de cinema máis veterano da Galiza, con 29 edicións no 2015. Comezou a prestarlle atención ao que sucedía no cinema galego grazas ao Panorama Galicia, coordinado por Martin Pawley. Desde 2009 é un evento onde o NCG amosa as súas últimas producións.

Disimulen

Programa cultural da radio comunitaria da Coruña (CUAC) que se realizaba durante os anos 2013-2014. O seu director foi Iago Martínez, e nel se daba conta da actualidade e novas do NCG, así como entrevistas @s cineastas.

El País Galicia

Sección territorial do xornal El País que contaba cun prestixioso suplemento cultural titulado Luzes. Neste medio de comunicación fixéronse eco dos logros do NCG con artigos e entrevistas a cineastas do NCG. Entre os xornalistas que máis se preocuparon por esta emerxencia estaban Daniel Salgado, Iago Martínez e Óscar Iglesias.

Filminho

Festa do cinema onde se xuntaban a cinematografía galega e a portuguesa. Durante as dúas primeiras edicións apostouse dunha maneira forte polas curtametraxes de cert@s cineastas que logo comporían o NCG. Tamén foi o lugar onde J. M. Sande, Martin Pawley e Xurxo González se xuntaron por primeira vez e viron a necesidade de apoiar este tipo de cinema. Evento histórico debido á súa elevada carga fundacional.

Flocos.tv

Probablemente a ferramenta de difusión de cinema galego máis famosa de todos os tempos. Xurdiu ao acubillo da Axencia Audiovisual Galega no ano 2008 co goberno bipartito da Xunta de Galicia. Era un lugar virtual para ver filmes galegos e ademais crear comunidade cun pequeno foro.

Mostra de Cine e Ciencia

Evento cinematográfico coordinado por Martin Pawley que tiña lugar na cidade da Coruña. Aconteceu durante 4 edicións, entre 2009 e 2012, e tiña unha filosofía altamente significativa, facendo colidir cinema e ciencia. Na súa programación sempre houbo oco para o NCG.

Novas de Galiza

Xornal galego de información crítica de frecuencia mensual. Durante a súa existencia, nas súas páxinas sempre tiveron oco artigos e críticas sobre a actualidade do cinema galego, sobre todo aquel que, como o NCG, se atopa desprazado dos centros de poder.

Play-Doc

Festival emprazado na vila de Tui. Desde 2005 converteuse na cita do cinema documental na Galiza. Pola súa programación se pode seguir a evolución do NCG. En varias edicións, filmes como Todos vos sodes capitáns, Vikingland ou Costa da Morte conseguiron o maior dos recoñecementos.

Proxecto Nimbos

Iniciativa cultural de creación audiovisual ideada por Martin Pawley. Consiste en celebrar o Día das Letras Galegas 2014, dedicado a X. L. Díaz Castro, coa creación de pezas curtas inspiradas no seu poemario “Nimbos”. A este proxecto sumáronse moit@s cineastas englobad@s dentro do NCG, así como tamén, cineastas de fóra da Galiza que atoparon suxerente o reto. Nun principio esta proposta estaba encadrada en 2014, mais a espectacular resposta d@s autor@s fixo que o proxecto siga en pé aínda a día de hoxe.

(S8) Mostra de Cinema Periférico

Festival coruñés que comezou a súa andaina en 2010. Especializado na flexuosidade dos formatos e da experimentación, nas súas distintas edicións compaxina de maneira acertada grandes nomes do cinema experimental coa presenza do traballo máis anovador que se fai na Galiza.

Universidade de Vigo

Desde a súa Facultade de Comunicación en Pontevedra, a Universidade de Vigo apoiou e difundiu o NCG coa realización de ciclos e conferencias na Casa das Campás. Tamén hai que destacar o labor docente de Beli Martínez, que foi a primeira en incorporar contidos do NCG nas súas aulas.

Xornal de Galicia

Medio de comunicación galego de prensa escrita que tivo vida entre 2008 e 2012. Na súa sección cultural deuse eco a todos os acontecementos do NCG mentres coincidiron no tempo. Unha perspectiva posible grazas aos xornalistas que escribían nela (Iago Martínez, Alberto Ramos e Víctor Paz) e aos seus colaboradores (J. M. Sande e Martin Pawley). Nas súas páxinas, o 2 de xaneiro de 2010, foi onde o crítico Martin Pawley escribiu un artigo onde aparecía por primeira vez nomeado o Novo Cinema Galego.

Zeitun Films

Produtora galega fundada en 2010 polos irmáns Laxe, co suceso da presenza do filme Todos vós sodes Capitáns no Festival de Cannes. Da man de Felipe Lage, foi a produtora galega que máis apostou polo NCG, apoiando a produción de filmes como Arraianos, de Eloy Enciso, O quinto Evanxeo de Gaspar Hauser, de Alberto Gracia ou Costa da Morte de Lois Patiño.

El Novo Cinema Galego. Propuesta de definición y clasificación (Beli Martínez e María Gallego)
O Novo Cinema Galego um cinema de fronteira (Beli Martínez)
Vikingland el cine Rev/belado (Beli Martínez)
Diáspora e experiencia migratoria desde a proposta anovadora dun Novo Cine Galego (Marta Pérez Pereiro e Fernando Redondo)
La (des) construcció vs la (dis) solució de la identitat. El cas del cinema i l'audiovisual gallecs des del període de la Transició. La compexitat (Xosé Nogueira)
Escrito na paisaxe: miradas documentais verquidas sobre a memoria da terra, sobre o que flúe e o que permanece (Fernando Redondo)
A cuestión da identidade no Novo Cinema Galego (Iván Villarmea)
Novo Cinema Galego: cartografías audiovisuais trazadas desde a periferia (Marta Pérez e Fernando Redondo)
O “Novo Cinema Galego”. Galiza na senda da vangarda (Pablo Suárez)
Aproximación a una crítica espacial de Costa da Morte, de Lois Patiño (Gonzalo Enríquez Veloso)
Galicia e o cine. Diversidade e identidade na procura de acomodo (Miguel Anxo Fernández)
Lo procesual como marca de modernidad en el Novo Cinema Galego (Fernando Redondo Neira e Xurxo González Rodríguez)
O cine de non ficción no Novo Cinema Galego (2006-2012): Conceptualización, contextos e singularidades (Beli Martínez)
Idioma e identidad en el Novo cinema Galego (Brais Romero)
Identidades al margen y en los márgenes. Frontera y laberinto en Arraianos (Fernando Redondo)
Revisión de la etiqueta de Novo Cinema Galego. Testimonios de autor (Beli Martínez)
Transnational Identities in Galician Documentary Film: Alberte Pagán's Bs. As. and Xurxo Chirro's Vikingland / Identidades transnacionales en el Novo Cinema Galego (Iván Villarmea)
Lo pictórico en el cine. El caso del Novo Cinema Galego (Sara Donoso)
Paisaxe na néboa. Unha cartografía do cinema galego recente (Marta Pérez Pereiro)
Acciones (in) diferentes, tensiones latentes. A propósito de feminismo y 'novo cinema galego' (Margarita Ledo)
European cinema in the languages of stateless and small nations (Margarita Ledo)
Los festivales de cine como impulsores del Novo Cinema Galego. Propuestas confluyentes (Fernando Redondo Neira)
Teitos de celuloide. As creadoras do Novo Cinema Galego (Marta Pérez Pereiro)
O sucesso dos cinemas menores. Baixo orçamentos e alternativas cinematográficas no Brasil e na Galiza (Karine Ruy, Marta Pérez, Silvia Roca)
Documentário contemporâneo: a tentativa de testemunho da autenticidade por meio da subjetividade e da performatividade (Ana Luísa Ferreira de Azevedo)
De Vikingland a Ingen Ko Pa Isen: análise dunha correspondencia involuntaria (Brais Romero Suárez)
Trace and Defamiliarization in Contemporary Documentary (Víctor Erice and Eloy Enciso Cachafeiro) (Cristina Moreiras-Menor)
Escenarios del vacío y la desaparición. Ausencia y representación en Eco (Xacio Baño, 2015) (Fernando Redondo Neira)
A Peripheral Focus: The Rebirth of the Novo Cinema Galego (José Colmeiro)
Cine, paisaje, pintura. Una mirada al audiovisual gallego contemporáneo (Sara Donoso)
Do erro analóxico á Arcadia da infancia: el Novo Cinema Galego y la idea de memoria. (Pedro Mandías Couto)
Local Landscapes, Global Cinemascapes, and the New Galician Documentary (Samuel Amago)
Lois Patiño’s Landscapes: Aura, Loss, Duration (Patricia Keller)
Miradas cruzadas: Pintura e paisaxe no audiovisual galego contemporáneo (Sara Donoso)
La(s) tendencia(s) cinematográfica(s) del Novo Cinema Galego (Nahuel Anxo Lioi Cáceres)

Alberte Pagán, à margem do convencional. Novas da Galiza (Ramiro Ledo)
Alberte Pagán: No cine non é imprescindíbel a industria para facer unha obra de arte (Xan Carballa)
Por fora dos camiños mallados. Alberte Pagán sitúase á marxe do convencional con filmes autoproducidos (Daniel Salgado)
Passeios e polifonias por Galiza: París #1 (Alberte Pagán)
Alberte Pagán, cineasta: No voy al cine en todo el año (Isabel Bugallal)
2010, o ano do Novo Cinema Galego. Xornal de Galicia (Martin Pawley)
Oliver Laxe, mostrar a través da ocultación (Manuel Xestoso)
Alberte Pagán, cineasta: As axudas non me servían (Daniel Salgado)
Francotiradores da imaxe (Vanesa Oliveira)
A profecía cumprida do cine galego que vén (Iago Martínez)
Novo Cinema Galego. Autores. Ciclo de proxeccións no CGAC en abril, maio e xuño de 2011
Os capitáns detrás dos capitáns (Iago Martínez)
Películas do país: el cine que se hace en Galicia (David González)
O xénero experimental é tan vello coma o cinema. Foron as salas comerciais as que se afastaron del (Montse Dopico)
Retrato de una frontera (Cibrán Tenreiro e María Villamarín)
Las fronteras entendidas como fin de algo no son más que convenciones. Entrevista a Eloy Enciso y José Manuel Sande (Netele Martínez.)
De Alberte Pagán a Alberto Gracia: cine gallego, un aire de renovación (Mónica Delgado)
Mesa de debate sobre o Novo Cinema Galego no Play-Doc -transcrición- (Iago Seoane)
A Fondo, Caderno de análise de Sermos Galiza nº 29
Loin de Madrid. Cahiers du Cinema. (Nicolas Azalbert)
5 claves para empezar a conocer el Novo Cine Galego
Unha ollada independente. Faro de Vigo. (Avelina R. Gil)
Na vangarda do cinema. Faro de Vigo. (Montse Dopico)
Una revolución especial. Faro de Vigo. (Mar Mato)
Caldeirada de Novo Cinema Galego (Xurxo González)
Películas clave sobre la crisis europea (Mónica Delgado)
Novo Cinema Galego: Identidad y vanguardia (Víctor Paz Morandeira)
Aproximação ao cinema galego na Semana das Letras Galegas (filmografia básica) (José Paz Rodrigues)
New Galician Cinema at Curtocircuito (Víctor Paz)
O Novo Cinema Galego adéntrase na ficción (Daniel Salgado)
Conversa con Óliver Laxe (Grial Parga)
Derivas e encrucilladas do Novo Cinema Galego (Fernando Redondo Neira)
Novo Cinema Galego: Os centauros do deserto cinematográfico galego (Santiago Jaureguizar)
El nuevo cine se reinventa en Galicia (Javier Yuste)
El nuevo cine gallego, diez años después (Andrea Morán Ferrés)
Cinema galego: un approfondimento storico (Roberto Baldassarre)

Nesta sección queremos agrupar aquela documentación xerada arredor dun filme concreto. Isto inclúe proxectos, guións, cadernos de rodaxe, fotografías e calquera tipo de documento que poida ser de interese para a contextualización e investigación do NCG.

Dossier de proxectos non realizados de Xurxo Chirro (2010-2011)
Memoria de actuación para A Pedra do Lobo (Alberte Pagán, 2010)
Caderno de Zimbabwe (Alberte Pagán, 2007-2008)