Sánchez, Sandra

 

(Narón, 1970) Estudou na primeira promoción da Escola de Imaxe e Son da Coruña, onde realizou unha serie de curtametraxes onde destaca o documental Ven a Bens, realizado en 1993. Rapidamente comezou a traballar para a industria en diversas producións, cunha traxectoria extensa como directora, montadora, e guionista. Durante esa etapa dirixiu documentais como: Soños dende o abismo, Aguiño, sobrevivir ao Prestige ou series documentais para televisión como Moito Mar.

En 2011 estreou Tralas luces, un proxecto moi persoal afastado das condicións da industria, no que traballou durante catro anos, e que foi estreado na sección de novos directores do Festival de San Sebastián.

Actualmente acaba de estrear o documental Manuel Quiroga, e está traballando no guión dunha longametraxe que será o seu primeiro proxecto de ficción, e que leva por título A nadadora.