(A Coruña, 1977) Aínda que a súa formación está máis encamiñada á produción,  a evolución da súa traxectoria profesional no departamento de desenvolvemento de diferentes produtoras permitiulle, dende o ano 2003, encargarse das tarefas de guión e realización de proxectos propios e alleos. Paralelamente, no 2009 iniciou como artista unha investigación formal e máis persoal, centrando o seu campo de traballo e experimentación en propostas de Cinema Expandido e actuacións con proxectores. A montaxe Fume de Live Cinema e Danza Contemporánea foi recoñecida polo Injuve no 2012 como a Mellor Proposta Escénica dese ano. O resultado dunha residencia no MAC Gas Natural Fenosa da Coruña foi Tríptico binario.