Recensión

Image versus Narraçom

Tanyaradzwa é um documental experimental independente. É um retrato a meio caminho entre um screen test de Andy Warhol e um busto parlante confessional. Trata da Vida, Opinions e Circunstância (em sentido orteguiano) da mulher retratada. Tres cuartas partes da metrage estám adicadas à sua circunstância. Só umha pequena parte se dedica à sua vida (17%) e opinions (9%). Mas corre-se o perigo de que o poder da PALAVRA convirta toda a película num testimónio global; esse é o desafio: como produzir images que sejam válidas por si mesmas, sem o apoio da palavra; como escapar à ditadura do discurso, é dizer, à narraçom. Esse é o objectivo da fixeza e a duraçom dos planos.

A duraçom como dimensiom concreta

A narraçom oral é a depositária do tempo ilusionista: umha vida inteira desenrola-se ante os nossos olhos em tam só umha hora. Mas esse é um prazer dirigido unicamente aos nossos ouvidos, nom aos nossos olhos. A narraçom oral está incrustada em longas tomas fixas, que continuam impassíveis mesmo quando a voz cessa, duvida, desaparece. Para contrarrestar este prazer ilusionista os longos planos baleiros enfrentam-se à opresiom da narraçom e ao mesmo tempo constituem a orige da narraçom. A cámara enquadra a mulher, em silêncio; o que pretendia ser um retrato mudo converte-se em narraçom quando a mulher começa a falar. Mas ela nom poderia empezar a falar sem a fixeza do quadro, sem a duraçom. O tempo ilusionista nom seria possível sem a materialidade da duraçom.

A audiência observa, a audiência é observada

Entanto as cenas nom narrativas ponhem a prova a paciência e o interesse do público, a vea narrativa da película, como umha sorte de prazer visual (auditivo) que serve de compensaçom, avanza climatericamente desde a opinión aos segredos mais persoais e íntimos, até acadar um ponto culminante nom diferente do de um espectáculo de nudismo. Mas quem fica espida, a protagonista ou a audiência? A película nom trata sobre a sua protagonista: trata sobre o público, cujas reacçons ante o que vem na pantalha podem desvelar ou seus eus verdadeiros, os seus prejuíços sobre a “mulher”, “África”, o “exótico”. Observamos a Tanyaradzwa na pantalha sem decatarmo-nos de que na realidade somos NÓS os que estamos a ser observados por ela. Ao igual que Peeping Tom só pode começar quando o protagonista abre os olhos, Tanyaradzwa só pode finalizar quando Tanyaradzwa pecha os seus: Vemos a Tanyaradzwa que nos está vendo; ela pecha os olhos, a película remata.