Recensión

Unha caravana acompaña un ancián e moribundo Sheikh a Sijilmasa. A súa última vontade é ser enterrado xunto aos seus, pero a morte non espera e alcánzao mentres cruzan as escarpadas cimeiras do Atlas marroquí. Os caravaneiros, temerosos da montaña, néganse a seguir transportando o cadáver. Ahmed e Said, dous buscavidas que viaxan coa caravana, din coñecer o camiño a Sijilmasa e ofrécense a levar o seu corpo até alí. A esposa do Sheikh dubida, realmente coñecen o camiño?.

Noutro mundo, paralelo e remoto, Shakib é escollido para viaxar ata as montañas onde se atopa a caravana. O seu labor é claro: ten que axudar aos improvisados caravaneiros a chegar ao seu destino. Shakib tamén dubida, é a súa primeira misión.