Recensión

Como foi o conto é um conto de natal, cos seus mistérios, intrigas e inesperado desenlace. Um conto de natal contado desde um dia de defuntos. Umha comédia sobre umha tragédia.

Como foi o conto é um ensaio sobre a arte de narrar, sobre como se estrutura umha narraçom. Sobre a luita da narradora para sortear os múltiplos impedimentos oferecidos pola audiência. Sobre a ajuda da audiência à hora de construir o relato, as rectificaçons, as pontualizaçons. Sobre o pracer da narraçom. É umha meditaçom sobre a utilizaçom da história como fonte do mito.

Como foi o conto desvela o poder das nossas conceiçons como moldeadoras da História, das nossas crenças como elementos conformadores da realidade. Recuperamos da realidade aquilo que se ajusta aos nossos esquemas mentais antes que adaptar estes a aquela. Como foi o conto é umha contraposiçom dialéctica entre a objectividade do primeiro plano e a subjectividade dos seguintes.

Como foi o conto é umha película familiar sobre as relaçons humanas, sobre a diglossia, sobre o conflito geracional, sobre a religiom, sobre a educaçom, sobre a cultura, sobre a política.

Como foi o conto é umha análise da image em movimento e da inevitável influência da cámara no objecto filmado. A narraçom videográfica corre paralela à narraçom persoal e sofre as mesmas interrupçons e correcçons.

Como foi o conto é. (A. P.)