Recensión

Este filme foi provocado por un son da infancia aloxado na miña memoria. Cando tiña o sono débil despertábame por un balbordo mecánico procedente do porto. Sabía que procedía dos motores diésel dos barcos que arrancaban nas primeiras horas da madrugada. Este filme é o intento de documentar un acontecemento negado polo que sucede cando todo o mundo durme. As sombras, as luces, os escintileos, o gran, as distorsións de todo vólvense posibles co propósito de ver partir os barcos para as zonas de pesca aproveitando as primeiras horas do día: “á luzada”.