Recensión

13 pozas é unha curtametraxe experimental cunha forte compoñente lúdico-festiva. 13 pozas pasa por ser un divertimento no que se produce unha interesante relectura do filme 13 lakes do estadounidense James Benning. “Volvín a mirada cara o traballo de James Benning e, concretamente, sobre a súa obra 13 lakes, no que dedicaba un plano fixo de 7 minutos a cada lago". 13 pozas está lonxe desa amplitude. Respecta o número de planos, mais os recorta até un minuto. Esta redución practicada vén acorde coa significación do título, xa que as pozas veñen a ser uns lagos en pequena escala.