(Meira, 1975). Graduado en Ciencias Medioambientais. Desenvolveu a primeira parte da súa carreira fóra de Galiza e do Estado Español. Está diplomado na especialidade de Dirección Documental pola Escuela Internacional de Cine y Televisión de San Antonio de Baños en Cuba. Realizou pequenos traballos previos como La clase (2000), No tan buena vista (2000), La ponchera (2001) e Cambiando la rueda (2003). En 2006 realiza coa produtora IB Cinema a longametraxe Picnic, coa que consigue estar presente en varios festivais internacionais. Regresou a Galiza para filmar Arraianos (2012), rodado nas terras fronteirizas de Xinzo da Limia, e co que conseguiu varios premios en festivais internacionais. Tamén en Galiza rodou Longa noite (2019), sobre a posguerra española.