Cayuela, Pablo

 

(Madrid, 1984) Realizador e montador independente. Traballou, entre outros, como director de fotografía e operador de cámara de A cicatriz branca (Margarita Ledo, 2012), así como na edición, con Ramiro Ledo, de Galicia 1936-2011. Estudos sobre o filme de Carlos Velo (2011). Recentemente estreou a mediametraxe en vídeo Grecidade (2013), sobre a banda compostelá Das Kapital. Colabora en revistas especializadas como Blogs&Docs, Lumière ou A Cuarta Parede. Fai parte do Cineclube de Compostela, onde realiza labores de programador e editor de vídeo. Fundador de Númax. Fóra é a súa primeira longametraxe.