(Ourense, 1980) Licenciado en Historia da Arte na Universidade de Santiago de Compostela. Licenciatura de cinema, especialidade en son e realización, na Escola Superior de Teatro e Cinema Portugal (ESTC). Durante o curso 2007- 2008 estudou na Ecole Nationale Superieure Louis Lumière, cursando estudos de Son e de Fotografía Cinematográfica. No ano 2009 fixo o Máster de Fotografía Cinematográfica na Escola Superior de Cinema i Audiovisuals de Catalunya (ESCAC). A pesar de que a súa formación inicial foron o son e a realización, traballou na área de imaxe, en tarefas no equipo de cámara, de electricidade… Desde o ano 2006 até o 2011, traballou como director de son, así como na post-produción de ficción e documentais. A partir do 2011 comezou a dirixir a fotografía de varios documentais e ficcións. En 2012 realizou a curtametraxe documental A Raia. Actualmente vive en Barcelona, onde imparte aulas de dirección de fotografía na área de documental na Escola Superior de Cinema i Audiovisuals de Catalunya (ESCAC), así como na Escola Afilm.